10 ноября 2025 г.

Qadriyatlar qadr topgan yurt

Zangiota tumani axborot-kutubxona markazi
INFOLIB O’ZBEKISTON – 2025
Qadriyatlar qadr topgan yurt
 Bugun Alisher Navoiy nomidagi O’zbekiston Milliy kutubxonasi va uning tizimidagi barcha axborot-kutubxona markazlarida “INFOLIB O’ZBEKISTON – 2025” XIV  Milliy axborot-kutubxona haftaligi “Yangi O‘zbekiston kutubxonachilari- Sun’iy intillekt orqali yuksak marralar sari!”  shiori ostida hamda  Yosh kutubxonachilar V forumi o’z ishini boshladi. O‘n to’rtinchi marta o‘tkazilayotgan ushbu haftalik mutolaa madaniyatini rivojlantirish, kutubxonachilik sohasidagi eng yaxshi ish tajribasini ommmalashtirish, ziyo maskanidagi eng yaxshi va yangi imkoniyatlar bilan kitobxonlarni yaqindan tanishtirish kabi maqsadlarni ko‘zlaydi. 
“INFOLIB O’ZBEKISTON-2025” axborot-kutubxona haftaligi doirasida tumandagi  Abu Ali ibn Sino nomidagi jamoat salomatligi texnikumida “Qadriyatlar qadr topgan yurt” nomli kitobxonlik soati bilan haftalikning otantanali ochilish marosimi bo’lib o’tdi.  
Tadbirda Mustaqillik qanchalik ulug‘ ne’mat ekanligi haqida o‘sha sobiq mustabid tuzumni o‘z ko‘zi bilan ko‘rgan, milliy qadriyatlarimiz toptalgan mudhish kunlarni boshidan kechirganlar aniq bilishlari, hozirgi kunda  iqtisodiyot bilan bir qatorda ma’naviyat, milliy qadriyatlar ham tiklanganligi haqida gapirib o’tildi. Mutaxassislar tomonidan  “Qizimni tarbiyalayapman”, “Xotin-qizlar ensiklopediyasi”, “Milliy an’analar davomchilari”, “Eng sara allalar”, T.Malikning “Kelinlar daftariga”  kitoblarining targ’iboti olib borilib,  o’qish uchun tavsiya qilindi.  Tadbir   Respublika Ma’naviyat va Ma’rifat markazi Zangiota tumani bo’linmasi bilan hamkorlikda o’tkazildi.  Unda 200 nafar o’qituvchilar va talaba-yoshlar ishtirok etdilar.