20 ноября 2024 г.

Yo’l-yo’lakay kitob o’qiymiz

Zangiota tumani axborot-kutubxona markazi
Yo’l-yo’lakay kitob o’qiymiz
Kitob targ'iboti
Buyuk shoir va mutafakkir Alisher Navoiy hazratlari yozganidek, “kitob – beminnat ustoz, bilim va ma’naviy yuksalishga erishishning eng asosiy manbai”dir.  Necha ming yillardan buyon sayqallanib, ne-ne avlodlarga yo’lchi yulduzdek to’g’ri yo’lni ko’rsatib kelayotgan yuqoridagi kabi hikmatlarning negizidagi asl haqiqat shuki, insonning bilimli, tarbiyali, kasb-hunarli, baxtli va davlatli bo’lishining muhim omili–bu kitobga do’st bo’lish, hamisha kitob o’qish va kitob mutolaasini umr bo’yi kanda qilmaslikdir.  Axborot-kutubxona markazi mutaxassislari tomonidan o’tkazilayotgan “Yo’l-yo’lakay kitob o’qiymiz” loyihasining maqsadi ham shundan iborat. Bugun “Farobiy” mahallasi aholisi o’rtasida targ’ibot tadbirlari o’tkazildi.  Katta yoshdagi kitobxonlar uchun N.Boqiyning “Qizil toshbo’ron”, Y.Bahodiro’g’lining “Malazgirtda juma tongi”, U.Azimning “So’ngso’zlar” kitoblari, bolalar va o’smirlar uchun S.Suxinovning  “Sehrgarning qizi”, A.Obidjonning “Baloga qolgan futbolchi”, Q.Shermatovning  “Buvamning oshqozonidagi mamlakat”, S.Vangeliyning “Gugutsening sarguzashtlari” kitoblari o’qish uchun tavsiya qilindi.