13 июня 2025 г.

Ta’tilda birgalikda kitob o’qiymiz

Zangiota tumani axborot-kutubxona markazi
Yoz-o'tmoqda soz(dolzarb 90 kun)
Ta’tilda birgalikda kitob o’qiymiz
Kitob eng yaqin do’stimiz
Ovozli o’qish tadbiri
Yoz. Beqiyos lahzalarga boy fasl. Bu fasl bolajonlar uchun muzqaymoqlaru oromgohlarsiz o‘tmaydi, albatta. Ota-onalar esa bolalarning madaniy hordiq olishi va bo‘sh vaqtini mazmunli tashkil etish maqsadida ularni uzoq-yaqinda joylashgan dam olish maskanlariga yuborishadi. O‘quv muassasalarida, jumladan, tumanimizdagi 34- maktab qoshida  tashkil etilgan  “Qaldirg’och” nomli sog’lomlashtirish maydonchasida ham bolalar ta’tilni mazmunli o’tkazishmoqda. Axborot-kutubxona markazi xodimlari tomonidan  “Ta’tilda birgalikda kitob o’qiymiz” shiori ostida ko’chma kutubxona tashkil etilib, “Kitob eng yaqin do’stimiz” nomli  ovozli o’qish tadbiri tashkil etildi. Mutaxassislar tomonidan  “Orolga ko’milgan xazina”, “Ikki qaysar echki”, “Och qolgan tulki” ertaklari o’qib berildi. Jajji kitobxonlar ertaklarni maroq bilan tingladilar. O’z navbatida bolajonlar ham ertakni qanday tushungan bo’lsalar shunday  so’zlab berdilar. Tadbirda  38 nafar o’quvchi-yoshlar ishtirok etdilar.