30 августа 2023 г.

“Qatag`on qurbonlari-Vatan fidoiylari”

Zangiota tumani axborot-kutubxona markazi
📝Vatanining mustabidlar zulmidan ozod bo‘lishini, millati farzandlarini sharafga to‘lganlar qatorida ko‘rishni orzulagan xalqimizning qalbi uyg‘oq farzandlari - «jadid adabiyoti namoyandalari»dir. 
🖋Xalq maʼnaviyatini boyitish yo‘lida olib borilgan kurashlar, milliy matbuot, adabiyot va teatrning odamlar tafakkurini oshirishdagi ahamiyati haqida asarlarida kuyunib yozgan, bu borada fidoyilik ko‘rsatgan, alaloqibat qatag‘onga uchraganlar haqida so‘z borarkan, Abdulla Qodiriy, Abdurauf Fitrat, Abdulhamid Cho‘lpon, Abdulla Avloniy, Mahmudxo‘ja Behbudiy, Munavvar qori Abdurashidxonov, Usmon Nosir, Isʼhoqxon Ibrat siymolari ko‘z oldimizda gavdalanadi. Ular o‘z asarlarida ko‘targan muammolar hamon bizning qarshimizda bo‘y ko‘rsatib turibdi. 
📖31 avgust – Qatag`on qurbonlarini yod etish kuni munosabati bilan Zangiota tumani axborot-kutubxona markazida “Qatag`on qurbonlari-Vatan fidoiylari” nomli xotira kechasi o`tkazildi. 
📚Axborot-kutubxona markazi direktori S.Axmedova so`zga chiqib, jadid adabiyoti to’lig’icha millatni uyg’otishga qaratilganligi, bu adabiyotni qahramonlari avvalgi davrdagiday yuqori tabaqa vakillari yoki ilohiy qudrat bilan nurlantirilgan siymolar emas, balki ommaning ichidan chiqqan, unga qaytib boradigan va shu bois xalqqa ta’sir ko’rsatish imkonyati kattaroq bo’lgan oddiy kishilar bo`lganligi va ularning bizga yetib kelgan boy meroslarini asrab avaylashimiz kerakligi haqida gapirib, ularni xotirladi. 
✅Tadbir ishtirokchilari bo`lmish Zangiota tumani IIBB xodimlari ham o`zlarining jadid adabiyoti namoyondalari haqidagi fikrlari bilan o`rtoqlashdilar. AKM xodimlari tomonidan Abdulla Qodirining 5 jildlik kitobining targ`iboti olib borildi. 
Shuningdek, tadbir ishtirokchilari uchun kutubxona bo`ylab ekskursiya uyushtirildi.