19 ноября 2024 г.

Yo’l-yo’lakay kitob o’qiymiz

Zangiota tumani axborot-kutubxona markazi
Yo’l-yo’lakay kitob o’qiymiz
Kitob targ'iboti
Kitoblar bilan yaqindan tanishgan sayin inson ko’p narsalarga o'zgacha nigoh bilan nazar solishni boshlaydi. Kitob doimo insonlar uchun yaqin do'st , hamroh, dono maslahatchi bo`lib kelgan . Ba'zi kitoblarni mutolaa qilganda inson o`zi uchun hayotni yangidan kashf etishi ham mumkin . Ayniqsa bugungi yoshlarning ko`pchiligi bizning davr bir joyda o`tirib kitob varaqlaydigan davr emas deb ta`kidlashadi. Lekin kitob har qanday vaziyatda ham o’z o’rnini yo’qotmaydi. Axborot-kutubxona markazi mutaxassislari tomonidan “Yo’l-yo’lakay kitob o’qiymiz” loyihasi doirasida targ’ibot tadbirlari muntazam o’tkazib kelinmoqda. Bugun shunday tadbir  “Quyoshli” mahallasi aholisi o’rtasida olib borildi. Katta yoshdagi kitobxonlar uchun T.Harrisning “Ajdarho”, R.Hamzatovning “Mening Dog’istonim”, E.Remarkning “Qora haykal” kitoblari, bolalar va o’smirlar uchun “Bolalarning katta ensiklopediyasi”, “Koinot” ensiklopediyasi,  S.Barnoyevning “Tinchlikni ulug’laymiz”, O.Husanovning “Tog’da o’sgan bola” kitoblari o’qish uchun tavsiya qilindi.