2 июля 2025 г.

Daraxtlar ham yig’laydi

Zangiota tumani axborot-kutubxona markazi
Atrof-muhitni asrash va “yashil” iqtisodiyot yili
Daraxtlar ham yig’laydi
Davra suhbati
Axborot-kutubxona markazi mutaxasislari tomonidan barkamol avlod bolalar maktabi qoshida faoliyat olib borayotgan “Kamalak” nomli sog’lomlashtirish maydonchasida dam olayotgan o’quvchi-yoshlar bilan 2025 yil “Atrof-muhitni asrash va “yashil” iqtisodiyot yili” deb e’lon qilinishi munosabati bilan “Daraxtlar ham yig’laydi” nomli davra suhbati o’tkazildi. Unda ko’chat ekib bog’ yaratish dunyodagi eng xayrli va ezgu amal sanalishi, azal-azaldan ota-bobolarimiz o’z xonadonlariga bahor va kuz faslida ko’chat ekkanliklari haqida gapirib o’tildi. Ekilgan ko’chatlarga kattalar bilan bir qatorda bolalar ham g’amxo’rlik qilishlari kerakligi, o’z vaqtida suv quyib, tegini yumshatish ishlariga  yordam berib borishlari uqtirildi. Bolajonlar ham o’zlarining uylarida ota-onalari bilan birgalikda ekib ko’kartirgan daraxtlari, gullari haqida tengdoshlariga gapirib berib, atrof-muhit tozaligiga, gullar va daraxtlarga e’tiborli bo’lishga kelishib olishdi. Mutaxassislar tomonidan ko’chma kutubxona uchun olib borilgan  “Mening birinchi ensiklopediyam” ruknida chop etilgan “O’simliklar dunyosi”, “Yer sayyorasi” hamda “O’zbek xalq ertaklari”  kitoblari o’qish uchun tavsiya qilindi.   Tadbirda 24 nafar o’quvchi –yoshlar ishtirok etdilar.