Zangiota tumani axborot-kutubxona markazi
Millatni uyg’otgan jadidlar
Ma’naviy-ma’rifiy tadbir
Har bir millat va elatning o’z tarixi bor. Tarix zamirida esa, milliy o’zlikni anglash, qadriyatlarga hurmat, ajdodlar xotirasiga ehtirom tuyg’usi mujassam. Mamlakatimizda istiqlol yillarida tarixiy qaror toptirish, xususan, Vatanimiz ozodligi va erkinligi yo’lida qurbon bo’lgan xalqimiz farzandlari nomini tiklash, ularning hayoti va faoliyatini o’rganish, tadqiq va targ’ib etishga qaratilgan keng qamrovli ishlar olib borilmoqda. Bugun axborot-kutubxona markazida Nuroniy jamg’armasi Zangiota tumani bo’limi bilan hamkorlikda “Millatni uyg’otgan jadidlar” nomli ma’naviy-ma’rifiy tadbir o’tkazildi. Unda 30-yillarda yuzlab, minglab ziyolilar — millatni uyg‘otgan jadidlar, yozuvchilar, o‘qituvchilar, olimlar “xalq dushmani” degan soxta tamg‘a bilan o‘limga hukm etilganligi, ularning aybi – faqatgina xalqni o‘qitish, millatni uyg‘otish, erkin fikrlashga o’rgatish ekanligi gapirib o’tildi. O’zbekiston qahramoni, O’zbekiston xalq yozuvchisi Said Ahmad, O’zbekiston xalq yozuvchisi Shukrullolarning “Xalq dushmani” sifatida bir necha yillar qamoq jazosini o’taganliklari haqida ma’lumotlar berildi hamda ularning “Kafansiz ko’milganlar”, “Yo’qotganlarim va topganlarim” kitoblari, “Jadid adabiyoti namoyandalari” rukni ostida nashr etilgan “Abdulla Avloniy” kitoblarining targ’iboti olib borildi hamda o’qish uchun tavsiya qilindi. Tadbirda 28 nafar O‘zbekiston Respublikasi Mudofaa vazirligi Maxsus avariya tiklash boshqarmasi xarbiy xizmatchilari va askarlari ishtirok etdilar. Tadbirdan so’ng kutubxona bo’ylab ekskursiya o’tkazildi.
#Zangiota_tuman_akm
📆 03-noyabr, 2026-yil
📚 Oʻzbekiston Respublikasining davlat bayrogʻi – xalqimizning orzu-intilishlari, g’ururi va shijoatini o’zida mujassam etgan muqaddas ramzlardan biridir. Oʻzbekiston Respublikasining davlat bayrogʻi qabul qilingan kun munosabati bilan Zangiota tumanidagi Birinchi mintaqaviy hudud 46-son Manzil-koloniyasida "Muqdaddasdir Vatan bayrog'i" mavzusida ma’naviy-ma’rifiy tadbir o’tkazildi. Tadbirda Davlat ramzlarini e’zozlash, ularda xalqimizning …
#Zangiota_tuman_akm
📆 02-noyabr, 2026-yil
📚 Zangiota tumani ixtisoslashtirilgan maktabida shoir, yozuvchi va tarjimon Humoyun Akbar ishtirokida “Yurakdagi rangin kamalak” nomli ijodiy uchrashuv tashkil etildi.
Uchrashuv davomida o‘quvchilar adabiyot olami, ijod mashaqqatlari va so‘z san’atining sehrli qudrati haqida qimmatli ma’lumotlarga ega bo‘ldilar. Samimiy muloqot, ijodiy suhbat va adabiyotga oshuftalik ruhida o‘tgan …
#Zangiota_tuman_akm
📆 30-oktabr, 2026-yil
📚 Sirojiddin Sayyid — zamonaviy o‘zbek she’riyatida o‘ziga xos ovozi, betakror badiiy tafakkuri va samimiy ijodi bilan alohida o‘rin egallagan ijodkor. Uning she’rlarida xalqona ruh, hayotiy hikmat, ona Vatanga muhabbat, insoniylik va mehr-oqibat tuyg‘ulari o‘zining go‘zal ifodasini topgan. Shoir ijodiga xos sodda, ammo chuqur ma’noli …
#Zangiota_tuman_akm
📆 29-oktabr, 2026-yil
📚 "Uch avlod uchrashuvi" — bu keksa avlod faxriylari, oʻrta avlod vakillari va yoshlarni jamlaydigan anʼanaviy maʼnaviy-maʼrifiy tadbir boʻlib, u asosan yoshlarda vatanparvarlik tuygʻusini shakllantirish va boy hayotiy tajribani yetkazishga xizmat qiladi. Bu kabi uchrashuvlar tarix, bugun va kelajak oʻrtasida uzviy koʻprik vazifasini bajarib, avlodlar …
#Zangiota_tuman_akm
📆 28-oktabr, 2026-yil
📚 Zangiota tumanida aʼlo xulqi, noyob isteʼdodi, zukkoligi hamda jamoatchilik faoliyatidagi faolligi bilan ajralib turgan xotin-qizlarni rag’batlantirish maqsadida "Zulfiya" nomidagi Davlat mukofoti tanlovining tuman bosqichi bo’lib o’tdi.
Tanlovda tumandagi umumtaʼlim maktablari, professional va oliy taʼlim muassasalari hamda mahallalarda istiqomat qiluvchi 14 yoshdan 30 yoshgacha bo’lgan …
#Zangiota_tuman_akm
📆 27-oktabr, 2026-yil
📚 Kitob, shak-shubhasiz, insoniyat tomonidan yaratilgan buyuk mo‘’jizalardan biri. Daraxt po‘stlog‘i yoki teriga yoziladimi, qog‘oz yoki sopolga bitiladimi – bashariyat rivojiga ulkan hissa qo‘shgan muqaddas kitoblar, keyingi davrlarda yaratilgan ilmiy va badiiy kitoblar, bugun urf bo‘layotgan elektron kitoblar – barcha-barchasi insonning intellektual va ma’naviy yuksalishiga …