17 июля 2026 г.

“Kitobxon ona-millat fahri”

#Zangiota_tuman_akm

📅 17-iyul, 2026-yil

Mustaqilligimizning 35 yilligiga tuhfa!
“Kitobxon ona-millat fahri”

🏛 Jonajon O’zbekistonimiz Mustaqilligining shonli 35 yillik to’yini munosib kutib olish, ulug’ ayyom oldidan xalqimizning kayfiyatini yanada ko’tarish hamda jamiyatda ijtimoiy-ma’naviy muhitni sog’lomlashtirish maqsadida “Yagona Vatan, yagona xalq bo‘lib, yangi hayot va kelajak yaratamiz!” bosh gʻoyasi asosida “Amir Temur” mahallasi ayollari ishtirokida “Kitobxon ona-millat faxri” nomli ko’tarinki ruhdagi maʼnaviy- maʼrifiy-madaniy tadbir tashkil etildi.

📚Tadbirda Toshkent viloyati hokimi oʻrinbosarining xotin-qizlar masalalari boʻyicha maslahatchisi N.Adilxanova ishtirok etdi. So’zga chiqqanlar yurtimizda kechayotgan Yangi O’zbekiston va uchinchi renessans poydevorini qurish jarayonlari, istiqlol qadri va shukronalik tuyg’ulari, kitobxonlikni rivojlantirish yo’lida olib borilayotgan tarixiy islohotlarlarga alohida to’xtalib o’tdilar. Shuningdek, oilada onalarning o’rni, ularning kitob o’qish orqali farzandlari va nabiralariga shaxsiy ibrat bo’lishlari naqadar muhim hayotiy zarurat ekanligi haqida fikr-mulohazalar bildirdilar. Oqila va munis onajonlarimiz ham farzandlarini smartfonlardan uzoqlashtirib, kitobga oshno qilish borasidagi o’z hayotiy tajribalari bilan o’rtoqlashdilar. Tadbirda "Hosil" xalq maqom ansambli xonandalari tomonidan ijro etilgan mumtoz qo'shiqlar yig’ilganlarga xaqiqiy bayramona xush kayfiyat ulashdi.
👥 Tadbirda 47 nafar ayollar va bir nafar kutubxonamizning faol kitobxoni T.Muslimov ishtirok etdi.

🌐 Biz ijtimoiy tarmoqlarda:

Sayt | Instagram |
Facebook | YouTube | telegram