22 апреля 2025 г.

Adabiyotning sehrli dunyosiga sayohat

Zangiota tumani axborot-kutubxona markazi
O’ZBEKISTON-KITOBXONLAR YURTI
 V-Respublika  KITOBXONLIK HAFTALIGI
Adabiyotning sehrli dunyosiga sayohat
Ma’naviy - ma’rifiy tadbir
Kitob – inson ma’naviyati va dunyoqarashini yuksaltiruvchi muhim manba hisoblanadi. Kitob o‘qigan inson mulohazali, bilimli bo‘lib, yuksak tafakkuri ila boshqalardan o‘zining dunyoqarashi va fikrlashi bilan ajralib turadi. Bugun  “KITOBXONLIK HAFTALIGI”ning II- kunida Samarqand davlat veterinariya meditsinasi, chorvachilik va biotexnologiyalar universitetining Toshkent filialida  “Adabiyotning sehrli dunyosiga sayohat” nomli ma'naviy – ma'rifiy tadbir o’tkazildi. Tadbirda O‘zbekiston yozuvchilar uyushmasi a’zosi,  shoir, “Tong yulduzi” gazetasi bo‘lim muharriri, “Shuhrat” medali sohibi Axtamquli, 2018-yilda o’tkazilgan  “Yosh kitobxon” ko‘rik-tanlovining birinchi o‘rin sohibasi Shohsanam Xolboyevalar ishtirok etdilar. 
 Unda  ko‘p kitob o‘qigan kishining bilim saviyasi yuqori, muomala madaniyati yuksak, yetuk inson sifatida hayotda o‘z o‘rnini topa olishi,  qadimda buyuk shoir va yozuvchilarimiz, olimlarimiz kitobga shu qadar mehr qo‘yib, hatto tunlari sham yorug‘ida kitob mutolaa qilganliklari haqida so'z yuritildi. Ammo u davrlarda xozirgi imkoniyatlarning bir qismi ham bo‘lmaganligi, lekin ular o‘z maqsadlari sari intilib, yuksak ma’naviyat sohibiga aylanganliklari aytib o'tildi. 
Axborot-kutubxona markazi  mutaxassislari tomonidan yangi nashr etilgan adabiyotlar yuzasidan kitob ko’rgazmasi tashkil etilib, ko’rgazmaga qo’yilgan adabiyotlarning targ’iboti olib borildi. 
Tadbirda 120 nafar o’qituvchi va talabalar ishtirok etdilar.