23 декабря 2021 г.

Ногиронлиги бўлган шахсларни ҳар томонлама қўллаб-қувватлаш, уларнинг бандлигига кўмаклашиш ҳамда ижтимоий фаоллигини янада оширишга оид қўшимча чора-тадбирлар тўғрисида

Энди улар ҳам бемалол бошқа тенгдошлари каби таълим олиши мумкин.

Ўзбекистон Республикаси Президенти томонидан куни кеча қабул қилинган қарорга (https://uza.uz/ru/posts/nogironligi-bolgan-shaxslarni-har-tomonlama-qollab-quvvatlash-ularning-bandligiga-komaklashish-hamda-izhtimoiy-faolligini-yanada-oshirishga-oid-qoshimcha-chora-tadbirlar-togrisida_331937) асосан ногиронлиги бор шахсларни қўллаб-қувватлаш борасида чора-тадбирлар белгилаб олинибди. Унда ногиронлиги бўлган ёшларнинг таълим олиш имкониятларини ошириш борасида қилинадиган ишлар ҳам кўзда тутилган.

Хусусан, қарорга кўра ногиронлиги бор болаларнинг билим олиш борасида ўз тенгдошларидан ортда қолмаслигини таъминлаш учун Халқ таълими вазирлигига ўқув материалларининг аудио ҳамда Брайл алифбосидаги китобларини тайёрлаш борасида топшириқ берилгани яхши янгилик бўлибди. Шунингдек, бундай фарзанди бор ота-оналар учун методик тавсиялар ҳам ишлаб чиқиларкан.

Яна бир яхши янгилик — ҳар йили танлов асосида 20 нафар ногиронлиги бўлган иқтидорли ёшларнинг етакчи хорижий олий таълим муассасаларида таълим олиши йўлга қўйиларкан.

Умид қиламанки, ушбу қарор юртимизда ҳар бир ёшнинг билим олишига шароит яратиш борасида қилинаётган ишларнинг навбатдаги босқичи бўлиб хизмат қилади.

2022 йил 1 январдан бошлаб ногиронлиги бўлган шахсларни ишга қабул қилган иш берувчиларга (бюджет ташкилотлари, давлат корхоналари, устав жамғармаси (капитали)да давлат улуши 50 фоиз ва ундан ортиқ бўлган юридик шахслар бундан мустасно) ҳар бир ходим учун 6 ой давомида ҳар ойда базавий ҳисоблаш миқдорининг 1,5 баравари миқдорида субсидия берилади.

2024 йил 1 мартга қадар иш берувчиларга (бюджет ташкилотлари, давлат корхоналари, устав жамғармаси (капитали)да давлат улуши 50 фоиз ва ундан ортиқ бўлган юридик шахслар бундан мустасно) улар томонидан ногиронлиги бўлган шахслар учун тўланган ижтимоий солиқ суммаси Давлат бюджетидан тўлиқ қайтариб берилади.

Ҳар йили 500 нафаргача ногиронлиги бўлган ёшларга субсидия ажратилади — Президент қарори

 (https://uza.uz/uz/posts/nogironligi-bolgan-shaxslarni-har-tomonlama-qollab-quvvatlash-ularning-bandligiga-komaklashish-hamda-izhtimoiy-faolligini-yanada-oshirishga-oid-qoshimcha-chora-tadbirlar-togrisida_331937)Қарорга кўра:

➖Ёшларга оид давлат сиёсатини қўллаб-қувватлаш жамғармаси маблағлари ҳисобидан ҳар йили 500 нафаргача ногирон ёшларга қуйидагилар учун субсидия ажратилади:

➖  ахборот технологиялари, компьютерда дастурлаш амалиёти, умумтаълим фанлари ва хорижий тилларни ўргатиш;
➖  тадбиркор ёки ўзини ўзи банд қилган шахс сифатида давлат рўйхатидан ўтганларга асбоб-ускуна ва меҳнат қуролларини харид қилиш учун.

⚡️Ногирон кишиларни ишга олган тадбиркорларга давлат пул беради

Ўзбекистон Республикаси Президенти 2021 йил 21 декабрь куни “Ногиронлиги бўлган шахсларни ҳар томонлама қўллаб-қувватлаш, уларнинг бандлигига кўмаклашиш ҳамда ижтимоий фаоллигини янада оширишга оид қўшимча чора-тадбирлар тўғрисида”ги қарорни имзолади. Унга кўра, ногиронлиги бўлган юртдошларимизга қатор имтиёзлар бериш белгиланди. Хусусан:

✅ 2022 йил 1 январдан бошлаб Бандликка кўмаклашиш давлат жамғармаси маблағлари ҳисобидан ногиронлиги бўлган шахсларни ишга қабул қилган хусусий корхоналарга ҳар бир ходим учун 6 ой давомида ҳар ойда базавий ҳисоблаш миқдорининг 1,5 баравари миқдорида (405 минг сўм) субсидия берилади.

✅ 2024 йил 1 мартга қадар иш берувчи хусусий корхоналарга улар томонидан ногиронлиги бўлган шахслар учун тўланган ижтимоий солиқ суммаси Давлат бюджетидан тўлиқ қайтариб берилади.

✅ Ёшлар ишлари агентлиги томонидан ҳар йили 500 нафаргача ногиронлиги бўлган ёшларга субсидия ажратиб борилади.

Эндиликда ногиронлиги бўлган шахслар ҳам давлат хизматлари марказида ишлаши мумкин

Ўзбекистонда ногиронлиги бўлган шахслар бандлигини таъминлаш масаласи яқин-яқингача долзарб бўлиб қолаётганди.  

Эътиборлиси, куни кеча Шавкат Мирзиёев “Ногиронлиги бўлган шахсларни ҳар томонлама қўллаб-қувватлаш, уларнинг бандлигига кўмаклашиш ҳамда ижтимоий фаоллигини янада оширишга оид қўшимча чора-тадбирлар тўғрисида”ги қарорни имзолаш орқали ушбу масалада ижобий томонга ўзгаришлар бўлишига умид уйғотди. 

Қарорда ногиронлиги бўлган шахсларни ҳар томонлама қўллаб-қувватлаш, уларнинг бандлигига кўмаклашиш ва ижтимоий фаоллигини оширишга қаратилган бир қатор муҳим ўзгаришлар кўзда тутилган.

Хусусан, ногиронлиги бўлган шахсларнинг давлат ташкилотларида фаолият олиб боришининг янги механизми жорий қилиниши кўзда тутилган бўлиб, унга кўра 2020 йил 1 мартга қадар ҳар бир ҳудуддаги биттадан давлат хизматлари марказида ногиронлиги бўлган шахсларнинг уларга мос келувчи лавозимларда (оператор, консультант, инспектор ва бошқалар) ишлаши учун шароит яратган ҳолда, меҳнат фаолиятини олиб боришини таъминлаш белгиланди. 

Шу билан бирга, қарорда 2022 йил 1 сентябрга қадар тажриба-синов лойиҳаси натижаларига кўра мазкур амалиёт барча давлат хизматлари марказларида жорий қилиниши кўзда тутилган.

Ногиронлиги бўлган шахслар орасида танловлар ўтказилади!  

Мамлакатда қабул қилинаётган қонунлар ва норматив ҳуқуқий ҳужжатларга назар соладиган бўлсак, ижтимоий соҳага кўпроқ эътибор  қаратилаётганини кўрамиз. Айниқса ногиронлиги бўлган шахсларга яратилаётган имкониятларни, берилаётган имтиёзларни алоҳида таъкидлаб ўтиш лозим. 

Хусусан, куни кеча Президент томонидан имзоланган қарорда  2022 йилдан бошлаб ногиронлиги бўлган шахслар орасида бир нечта номинациялар бўйича республика танловлари ташкил этиш кўзда тутилган. 

Жумладан:
• “Энг яхши ижтимоий лойиҳа”;
• “Энг яхши тадбиркор”;
• “Энг яхши талаба”;
• “Энг яхши спортчи”;
• “Энг яхши китобхон”;
• “Энг яхши иш берувчи”.

Танлов натижалари ҳар йили “3 декабрь – Xалқаро ногиронлар куни” арафасида эълон қилинади ҳамда танлов ғолиблари базавий ҳисоблаш миқдорининг 100 баравари миқдорида бир марталик пул мукофоти билан рағбатлантирилади. 

Ажойиб стимул! 👏

https://uza.uz/uz/posts/nogironligi-bolgan-shaxslarni-har-tomonlama-qollab-quvvatlash-ularning-bandligiga-komaklashish-hamda-izhtimoiy-faolligini-yanada-oshirishga-oid-qoshimcha-chora-tadbirlar-togrisida_331937